काठमाडौँ, ६ बैशाख । छोटो समयमै शैक्षिक क्षेत्रमा अलग पहिचान बनाउन सफल ट्रिटन इन्टरनेशनल सेकेण्डरी स्कुल तथा ट्रिटन इन्टरनेशनल कलेज सुविधानगर, तिनकुनेले विद्यार्थी र शिक्षकसँग खुसी साटासाट गरि आफ्नो शैक्षिक संस्थाका कार्यकारी अध्यक्ष विश्वनाथ प्रसाद शाहको ५५ औं जन्मोत्सव मनाएको छ ।
विद्यालयकी भाइस प्रिन्सिपल ममता शाह र निर्देशक राजन सुवेदीले शुक्रबार विद्यालयमा आयोजना गरेको जन्मोत्सव समारोहमा कार्यकारी अध्यक्षले विद्यालयका विद्यार्थी, शिक्षक तथा कर्मचारीहरुलाई केक खुवाएर आफ्नो जन्मदिन मनाएका थिए ।
भाइस प्रिन्सिपल शाह तथा निर्देशक सुवेदीले कार्यकारी अध्यक्ष शाहलाई खादा तथा उपहार दिएका थिए भने कार्यकारी अध्यक्ष शाहको सम्मानमा विद्यालयले १० पाउण्डको केक ल्याएको थियो ।
यसैगरि ट्रिटन इन्टरनेशनल कलेजले आयोजना गरेको जन्मदिन समारोहमा कलेजका कार्यकारी निर्देशक डा. शम्भुकुमार दास, भाइस प्रिन्सिपल श्रीकृष्ण विष्ट, विज्ञान विभाग संयोजक नविन कर्ण, प्रशासन विभाग प्रमुख ऋतु न्यौपाने लगायत शिक्षक र विद्यार्थीहरुले कार्यकारी अध्यक्षलाई केक खुवाउँदै शुभकामना दिएका थिए ।
शिक्षा तथा व्यवशाय क्षेत्रमा विशिष्ट योगदान गरेको भन्दै ट्रिटन इन्टरनेशनल कलेजका कार्यकारी अध्यक्ष एवम् डिभि ग्रुप अफ कम्पनिका संस्थापक अध्यक्ष शाहलाई राष्ट्रपति विद्यादेवी भण्डारीले १ बैशाखमा जनसेवाश्री विभुषणबाट विभुषित गरेकी थिइन ।
