काठमाडौँ, ५ वैशाख । इन्डियन प्रिमियर लिग (आईपीएल)को ३३ औं खेलमा सनराईजर्स हैदरावादले चेन्नई सुपर किंग्सलाई ६ विकेटले पराजित गरेको छ ।
हैदरावादको राजीव गान्धी इन्टरनेशल क्रिकेट स्टेडियममा टस हारेर फिल्डिंग पाएकोमा १ सय ३३ रनको सामान्य लक्ष्य पाएको हैदरावादले १६।५ ओभरमा ४ विकेट गुमाउँदै पुरा गरेको हो । निर्धारित २० ओभरमा चेन्नईले ५ विकेट गुमाउदै १ सय ३२ रन बनाएको थियो ।
जोनी बेयरस्ट्रोले ६१ रनमा अविजित रहे भने वार्नरले ५० रन बनाए । कप्तान केन विलियम्सन ३, विजय शंकर ७ र दिपक हुड्डा १३ रनमा आउट भए । चेन्नईका लागि ईमरान ताहिरले २, दिपक चाहर र करन शर्माले समान १ विकेट लिए ।
चेन्नईका ओपनर फाफ डु प्लेसिसले ४५ रन बनाए । अर्का ओपनर शेन वाटशनले ३१ रन बनाएर । दुवैले ७९ रनको साझेदारी गरे ।
महेन्द्र सिंह धोनीलाई आराम दिएको बेला क्पतानी पाएका सुरेश रैना १३ रन जोडे । केदार जाधव १, आम्बाती रायुडु २५ र रविन्द्र जडेजा १० रन बनाएर अविजित रहे । हैदरावादका लागि राशिद खानले २, सहवाज नदीम, खलिल अहमद र विजय शंकरले समान एक विकेट लिए।
योसँगै ८ खेलमा ४ जितेको हैदरावाद ८ सहित पाँचौ स्थानमा उक्लिएको छ भने ९ खेलमा ७ जितेको चेन्नई १४ अंकसहित शीर्ष स्थान मै छ ।
