काठमाडौँ, २३ चैत । एसिया छनोट खेल खेल्न नेपाली यू–१९ क्रिकेट टोली आज मलेसिया प्रस्थान गरेको छ ।
अप्रिल १० देखि मलेसियामा हुने प्रतियोगितामा सहभागी हुन १४ सदस्सीय नेपाली टोली त्यसतर्फ प्रस्थान गरेको हो ।
शनिबार राजधानीमा एक कार्यक्रमको आयोजना गर्दै राष्ट्रिय खेलकुद परिषदका सदस्य सचीव केशव कुमार बिष्ट र नेपाली सिनियर क्रिकेट टिमका प्रशिक्षक जगत टमटाले बिदाई गरेका हुन ।
एसिया छनोट अप्रिल १० देखि २० सम्म योजना हुने छ । छनोट खेलमा नेपाल सहित, युएई, कुवेत, मलेसिया, सिंगापुर र ओमनले प्रतिस्पर्धा गर्ने छ ।
रोहित कुमार पौडेलको कप्तानीमा रहेको नेपाली टोलीमा पवन सर्राफ, सन्दीप जोरा, आसिफ शेख, भिम सार्की, रित गौतम, कमल सिंह ऐरी, राशिद खान, सागर ढकाल, अभिषेक बस्नेत, कुशल मल्ल, हरि चौहान, प्रतिष जिसी र सुर्य तामाङ रहेका छन् ।
