काठमाडौँ, २१ चैत । डिफेन्डिङ च्याम्पियन चेन्नाई सुपर किंग्सले इन्डियन प्रिमियर लिग ९आईपीएल० क्रिकेटमा पहिलो हार ब्यहोरेको छ ।
बुधबार राति सम्पन्न खेलमा १७१ रनको चुनौती पछ्याउँदै ब्याटिङ गरेको चेन्नाईले निर्धारित २० ओभरमा ८ विकेटको क्षतिमा १३३ रन मात्रै बनाउन सक्यो ।
टस हारेर पहिले ब्याटिङ गरेको मुम्बईले निर्धारित २० ओभरमा ५ विकेटको क्षतिमा १७० रन बनाएको थियो । मुम्बईका लागि सुर्यकुमार यादवले ५९ रन बनाउँदा क्रुनाल पाण्ड्याले ४२ रन बनाए । हार्दिक पाण्ड्याले ८ बलमा अविजित २५ रन बनाउँदा कैरोन पोलार्डले ७ बलमा १७ रन बनाएर नटआउट रहे ।
चेन्नाईका लागि केदार जाधवले ५८ रन बनाए । बलिङतर्फ लासिथ मालिंगा र हार्दिक पाण्ड्याले समान ३-३ विकेट लिए ।
