काठमाडौँ, १६ चैत । आठौं राष्टिय खेलकूद प्रतियोगिताको खेल तालिका सार्वजनिक भएको छ ।
वैशाख ५ गतेदेखि प्रदेश ५ मा आयोजना हुन लागेको राष्ट्रिय खेलकुद परिषद (राखेप)ले खेल तालिका आज सार्वजनिक गरेको हो ।प्रतियोगिताको औपचारिक उद्घाटन नेपालगञ्ज रङ्गशालामा आगामी बैशाख ५ गते र समापन वैशाख ११ गते गरिने राखेपले जनाएको छ ।
राष्ट्रिय खेलकूद परिषद्ले आज जारी गरेको खेलतालिका अनुसार :
बाँकेमा १७ वटा खेल, दाङमा सात, रुपन्देहीमा चार, बर्दियामा चार, ललितपुर, कास्की, कपिलवस्तु र काठमाडौँमा एक/एक खेल आयोजना गरिनेछ ।
वैशाख ५ गते औपचारिक उद्घाटन खेल बाँके : पुरुष फुटबल, बक्सिङ, भलिबल, टेबलटेनिस, उसु, जुडो, ह्याडबल, कराँते, हक्की, सुटिङ, जिम्न्याष्टिक, साइकिलिङ, आर्चरी, फेन्सिङ, पौडी, ट्रायथलन र पुरुष क्रिकेट
दाङमा : महिला फुटबल, एथ्लेटिक्स, कराँते, ब्याटमिन्टन, बास्केटबल, आइटिएफ तेक्वान्दो र महिला क्रिकेट
रुपन्देही : शारीरिक सुगठन, सफ्ट टेनिस, लङ टेनिस, तेक्वान्दो
बर्दिया : कबड्डी, बुद्धिचाल, खोखो, सेपाकताक्रोका
ललितपुर : स्क्वास
कास्की : प्याराग्लाइडिङ
कपिलवस्तु : कुस्ती
काठमाडौँ : गल्फ
