एजेन्सी, १५ चैत । ब्रुनाईमा समलिङ्गी सम्बन्धमा रहनेलाई आगामी अप्रिलदेखि ढुङ्गा हानीहानी मृत्युदण्ड दिइने नयाँ कानून पारित भएको छ ।
ब्रुनाईको नयाँ कानून अनुसार समलिङ्गी सम्बन्धमा रहेका र परस्त्रीगमनमा दोषी ठहर भएका प्रत्येकलाई ढुङ्गा हानीहानी मृत्युदण्ड दिइनेछ ।
त्यस्तै मानवअधिकारकर्मीले ब्रुनाईको नयाँ कानूनबारे प्रतिक्रिया दिएका छन् । यो नयाँ कानूनमा चोरी गर्नेको हात वा खुट्टा काटिने पनि बताइएको छ । ब्रुनाईमा चार लाख ५० हजार जनसंख्या रहेका छन् । यहाँ रक्सी बेच्ने पनि अनुमती छैन ।
एम्नेस्टी इन्टरनेशनलकी ब्रुनई अनुसन्धानकर्ता रचेल चोआ–होवार्डका अनुसार ब्रुनाईले आफ्ना यी डरलाग्दो सजाय तत्काल रोक्नुपर्छ, आफ्नो कानूनलाई मानवअधिकारको दृष्टिकोणबाट सच्याउनु पनि पर्दछ र अन्तरराष्ट्रिय समूदायले ब्रुनईको यो कदमविरुद्ध आवाज उठाउनुपर्छ ।
