काठमाडौँ, १५ चैत । आज फ्राइडे रिलीज अन्तर्गत आज देशभरका हलमा फिल्म ‘साइँली’ र ‘शुभ लभ’ एकसाथ प्रदर्शनमा आएका छन् ।
साइँली
फिल्म साइँलीले देशको प्रमुख समस्याको रुपमा रहेको बैदेशिक रोजगारीकै कथालाई समेटेको छ । विशाल गुरुङ र मोहन राना मगर निर्माण गरेको फिल्ममा गौरव पहारी, मेनुका प्रधान र दयाहाङ राईकोको मुख्य भूमिका रहेको छ । शैलेन्द्र डि कार्कीको छायांकन रहेको फिल्ममा माओत्से गुरुङ, प्रकाश घिमिरे, अरुण कार्कीलगायतका कलाकारहरुको अभिनय रहेको छ ।
शुभ लभ
सन्तोष बाबु लोहनीले निर्देशन गरेको फिल्म ‘शुभ लभु मा चर्चित युवा ज्योतिष हरिहर अधिकारीले अभिनय रहेको छ । फिल्ममा उनी रियलझैँ ज्योतिषकै भूमिकामा छन् । उक्त फिल्ममा डाक्टर सुर्या थापा, सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बास्तोलालगायतका कलाकारको पनि अभिनय छ ।
