काठमाडौं, १३ चैत । १२ औं संस्करणको इण्डियन प्रिमियर लिग (आईपीएल) क्रिकेटमा चेन्नई सुपर किङ्सले लगातार दोस्रो जित निकालेको छ ।
भारतमा मंगलबार राति भएको खेलमा दिल्ली क्यापिटल्सलाई ६ विकेटले पराजित गर्दै चेन्नईले लगातार दोस्रो जित निकालेको हो । चेन्नईका लागि ओपनर शेन वाटशनले ४४, सुरेश रैनाले ३०, केदार जाधव २७ र आम्बाती रायडु ५ रन बनाए । दिल्लीका लागि अमित मिश्राले २ तथा ईशान्त शर्मा र कागिसो रबाडाले १ १ विकेट लिए
फिरोज कोट्ला क्रिकेट स्टेडियममा दिल्लीले दिएको १४८ रनको लक्ष्य चेन्नईले १९ ओभर ४ बलमा ४ विकेट गुमाएर पुरा गर्यो ।
