काठमाडौँ, ११ चैत । चलचित्र विकास बोर्डको अध्यक्ष केशव भट्टराईले फिल्म क्षेत्रको अहित हुने काम कहिल्यै नगर्ने प्रतिवद्धता व्यक्त गरेका छन् ।
सोमवार नवनियुक्त अध्यक्ष भट्टराईले पदभार ग्रहण गर्दै आफू बोर्डमा राजनीतिक कार्यकर्ताको रुपमा नरहने साथै फिल्म क्षेत्रका कुनै पनि संघ-संस्थामाथि आफ्नो हस्तक्षेप नरहने बताए ।
उनले भने, अड्किएर बसेको राष्ट्रिय चलचित्र नीति पूर्ण रुपमा कार्यान्वयन गर्न म कटिबद्ध भएर लाग्नेछु र त्यसको चाँडै अनुभूती पनि गर्न सक्नुहुनेछ । अहिले टट्कारो रुपमा रहेको बक्स अफिस कार्यान्वयन गर्न पनि म कुनै कसुर बाँकी राख्दिनँ ।’
भट्टराईले सरकारसमक्ष १६ वटा बुँदाहरु प्रस्तुत गरेकोमध्ये केही महत्त्वाकांक्षी कार्ययोजना राखेको र त्यो तत्काल सार्वजनिक नगर्ने बताए ।
