कैलाली, १० चैत । बैतडीको देहीमाण्डौंकी एक छात्राले घरबाटै एसईई परीक्षा दिन थालेकी छिन् ।
शिक्षा विकास तथा समन्वय इकाइ प्रमुख नरेन्द्रप्रसाद अवस्थीका अनुसार अपांगता भएका कारण केन्द्रसम्म पुग्न नसक्ने भएकाले करिश्मा बोहरालाई घरबाटै एसईई परीक्षा दिने व्यवस्था मिलाइएको जनाएको छ ।
उनले करिश्माको परीक्षाको लागि एक जना निरीक्षक र एक जना सुरक्षाकर्मीको व्यवस्था गरिएको बताए । पूर्णबहादुर बोहरा र देवकी बोहराका चार सन्तानमध्ये दुई छोरी र एक छोरा अपांगता भएका छन् । छोरी करिश्मा भने घरबाटै परीक्षा दिन पाउँदा खुसी लागेको बताइन् ।
