काठमाडौं, ५ चैत । WOMEN T20 CRICKET लिग प्रतियोगिता आगामी वैशाख ७ गतेदेखि विराटनगरमा सुरु हुने भएको छ ।
विराटनगरस्थित बैजनाथपुर क्रिकेट मैदानमा हुने खेलमा ४ फ्रेन्चाइज टोलीको सहभागिता रहने छ । एनसिएल स्पोट्र्स प्राईभेट लिमिटेडको आयोजनामा हुने प्रतियोगिताको विजेताले १० लाख रूपैयाँ नगद पुरस्कार पाउने भएका छन् ।
उक्त प्रतियोगितामा नेपाली महिला राष्ट्रिय टोलीकी कप्तान रुबिना क्षेत्री (भैरहवा), सीता रानामगर (धनगढी), नेरी थापा (काठमाडौं), करूणा भन्डारी (विराटनगर) टोलीको मार्की खेलाडीका रुपमा छन् ।
प्रतियोगितामा विराटनगर रोअरिङ लायोनेस, भैरहवा क्विन्स, धनगढी वन्डर वुमन र काठमाडौं सुपर च्याम्पियन्स गरि चार टोलीको सहभागिता रहने छन ।
