ल्लितपुर, ५ चैत । पवन प्रकृति इंगलिस सेकेण्डरी स्कूल इमाडोलमा गठन भएको पवन प्रकृति स्काउट ट्रुपका २ दर्जन प्रशिक्षार्थी स्काउटलाई दिक्षा दिइएको छ ।
सो विद्यालयका भाइस प्रिन्सिपल विष्णुभक्त राई तथा स्काउट शिक्षक एवम् भक्तपुर जिल्ला स्काउटका समन्वय आयुक्त शिवकुमार त्वायनाले संयुक्तरुपमा नवदिक्षित स्काउटलाई स्कार्फ तथा स्काउटको ब्यायजहरु दिएका थिए ।
केही महिनाअघि मात्रै गठन गरिएको पवन प्रकृति स्काउट ट्रुपमा आवद्ध सो विद्यालयका कक्षा ६ का विद्यार्थीहरुलाई पहिलोपटक स्काउट दिक्षा दिइएको हो । विद्यालयमा स्काउट गुरुहरु शिवकुमार त्वायना तथा बलराम प्यासीले स्काउट कक्षा सञ्चालन गर्दै आएका छन् । सो विद्यालयमा स्काउट समितिको अध्यक्ष विद्यालयका प्रिन्सिपल उत्तरकुमार राई छन ।
