एजेन्सी, २६ फागुन । आइतबार भारतीय चुनाव आयोगले आम निर्वाचनको मिति घोषणा गरेको छ ।
घोषणा गरिएको समयतालिका अनुसार भारतमा ७ चरणमा निर्वाचन हुने भएको छ । मतदान ११ अप्रिलबाट सुरु भई १९ मे मा सकिने छ भने २३ मेबाट मतगणना सुरु हुनेछ ।
भारतको संविधान अनुसार तल्लो सदनमा ५४३ जना सांसद निर्वाचित हुने छन् । यो निर्वाचनपछि भारतमा फेरी पाँच बर्षका लागि नयाँ संसद र सरकार गठन हुनेछ ।
नयाँ सरकारका लागि वर्तमान प्रधानमन्त्री नरेन्द्र मोदी र काँग्रेस अध्यक्ष राहुल गान्धीबीच प्रतिश्पर्धा हुने देखिएको छ । उनीहरुको बाहेक देशभरी सयभन्दा बढी पार्टीहरु पनि प्रतिश्पर्धामा रहने अधिकारीहरुले बताएका छन् ।
चुनाव तालिका
पहिलो चरण : ११ अप्रिल : ९१ सिट
दोस्रो चरण : १८ अप्रिल : ९७ सिट
तेस्रो चरण : २३ अप्रिल : ११५ सिट
चौथो चरण : २८ अप्रिल : ७१ सिट
पाँचौं चरण : ६ मे : ५१ सिट
छैटौं चरण : १२ मे : ५९ सिट
सातौं चरण : १९ मे : ५९ सिट
