गोरखा, २६ फागुन । भूकम्प प्रभावित जिल्लाका तीन विद्यालयलाई अमेरिकाको विस्कान्सिन स्टेटमा रहेका नेपालीहरुको साझा संस्था मिल्वाकी नेपाली परिवारको आर्थिक सहयोगमा कम्प्युटर सहयोग गरिएको छ ।
छेपेटारको तारा मावि, खोप्लाङको अन्नपूर्ण मावि र चोरकाटेको धर्मावती माविलाई प्रति विद्यालय सात थान कम्प्युटर सहयोग गरिएको हो ।
आइतबार बिद्यायलमै पुगेर संस्थाका प्रतिनिधि रमेश विष्टले उक्त कम्प्युटरहरु हस्तान्तरण गरेका हुन । करिव ६ लाख रकम बराबरको कुल २१ वटा कम्प्युटर वितरण गरिएको उनको भनाइ छ ।
कम्प्युटर कक्षाहरु संचालनका लागि सहयोग प्राप्त कम्प्युटरले थप सघाउ पुग्ने विद्यालयहरुले बताएका छन् ।
