काठमाडौँ, २२ फागुन । दक्षिणकाली नगरपालिका ८ छैमलेस्थित श्रीकृष्ण माविमा अध्ययनरत ३० जना विपन्न विद्यार्थीलाई हङ्कङबाट उपहारमा आएको न्यानो लुगा वितरण गरिएको छ ।
नेपाल अष्ट्रेलिया फ्रेण्डशिप एशोसियसन (नाफा)का अष्ट्रेलियन सदस्य इ. डेविड एन. ब्राउनले नेपाल आउने क्रममा हङ्कङबाट ति न्यानो लुगासंकलन गरेर ल्याउनुभएको थियो ।
हङ्कङबाट संकलन गरि ल्याएको न्यानो लुगाहरु डेविडले विनायक शिक्षा निकेतन सेकेण्डरी स्कुल मध्यपुर थिमीका संस्थापक प्रिन्सिपल सुरेन्द्रविक्रम प्रजापतिलाई वितरण गर्न भनेर छोडेर जानुभएको थियो ।
प्रिन्सिपल पजापति मार्फत श्रीकृष्ण मावि छैमलेका प्रधानाध्यापक अमृतमान श्रेष्ठलाई हस्तान्तरण गरिएको ती न्यानो लुगाहरु म्ांगलबार विद्यार्थीहरुलाई वितरण गरिएको थियो ।
