काठमाडौँ, १८ फागुन । नेपाल कम्युनिष्ट पार्टी (नेकपा)का नेता, पूर्वअर्थमन्त्री भरतमोहन अधिकारीको अवस्था गंभिर भएको छ ।
काठमाडौंस्थित ह्याम्स अस्पतालको भेन्टिलेटरमा राखी उपचार भइरहेको छ । उहाँको १६ दिनदेखि भेन्टिलेटरमा राखेर उपचार हुदै छ । अधिकारीको स्वास्थ्य अवस्था नाजुक रहेको ह्याम्स अस्पताल स्रोतले जानकारी दिएको छ ।
शनिबार अस्पतालमा पत्रकार सम्मेलन गर्दै अस्पताल प्रशासनले उनको स्वास्थ्य अवस्था एकदमै क्रिटिकल रहेको भन्दै शरीरका कुनैपनि अंगहरुले काम नगरेको समेत जानकारी दिएका छन् ।
अस्पताल प्रशासनले उहालाई बचाउन सक्ने अवस्था नरहेको समेत जानकारी दिएको छ । उहालाई कृतिम श्वासप्रश्वास दिएर बचाईएको ह्याम्सले जनाएको छ । अस्पताल स्रोतका अनुसार भारतबाट उनकी छोरी आउँदै गरेकोले भारत मोहनलाई कृतिम श्वास दिएको स्पष्ट पारेको छ ।
निमोनिया, श्वासप्रश्वास, मुटु लगायतका रोगबाट ग्रसित अधिकारीलाई विगत २ महिनादेखि अस्पतालमा भर्ना गरिएपनि स्वास्थ्य अवस्था झन जटिल बन्दै गएको हो ।
अस्पतालका डाक्टर हेमराज पनेरुले दिएको जानकारी अनुसार नेकपाका नेता तथा पूर्व अर्थमन्त्री अधिकारीलाई बचाउन कठिन भएको छ ।
