एजेन्सी, १५ फागुन । रिलायन्स इन्डस्ट्रिजका अध्यक्ष मुकेश अम्बानी विश्वकै शीर्ष १० धनीको सूचीमा पर्न सफल भएका छन् ।
५४ अर्ब डलरको सम्पत्ति रहेका अम्बानी यो वर्ष विश्वव्यापी सूचीमा दसौ स्थानमा छन् । विश्वभरीका धनी मानिसको सूचीमा २०१९ अन्तर्गत अमेजनका प्रमुख जेफ बेजोस पहिलो बन्न सफल भएका छन् ।
दोस्रो स्थानमा ९६ अर्ब डलरका साथ माइक्रोसफ्टका संस्थापक रहेका छन भने तेस्रो स्थानमा ८८ अर्ब डलरका साथ बर्कशायर हाथवेका अध्यक्ष वारेन बफेट पर्न सफल भएका छन् ।
यसैगरि चौथो स्थानमा ८६ अर्ब डलरका साथ एलभीएमएचका बर्नार्ड अर्नाल्ट र पाँचौ स्थानमा ८० अर्ब डलरको सम्पत्तिका साथ फेसबुकका मार्क जुकरबर्ग रहेका छन् ।
