एजेन्सी, १५ फागुन । भारतीय वायुसेनाको एउटा लडाकु बिमान मिग २१ दुर्घटना भएको छ ।
भारतीय सञ्चारमाध्यमका अनुसार काश्मिरको कलान गाउँमा विमान खसेको र दुर्घटनामा बिमानका पाइलटको मृत्यु भएको जनाएको छ ।
उक्त लडाकु बिमान मिग २१ ले श्रीनगर बिमानस्थलबाट उडान भरेको र उडान लगत्तै ठूलो आवाजसहित बिमान पड्कियो र खेतमा खसको जनाइएको छ ।
दुर्घटनाग्रस्त विमान पूर्णरुपमा ध्व्स्त भएको छ भने श्रीनगर बिमानस्थलबाट उडान र अवतरण बन्द गरिएको भारतीय सञ्चारमाध्यमले जनाएको छ ।
भारतीय वायू सेनाको एक लडाकु बिमानले पाकिस्तानी क्षेत्रमा पसेर बम विष्फोट गराएको भोलिपल्ट यो घटना भएको हो ।
