गुल्मी, १३ फागुन । श्रम रोजगार तथा सामाजिक सुरक्षा मन्त्री गोकर्ण विष्टले देशको शिक्षा नीति नै गलत भएकै कारण्ण लाखौं युवाहरु बेरोजगारी बन्नु परेको मात्र नभई शिक्षा क्षेत्र बेरोजगार उत्पादन गर्ने कारखाना बनेको बताउनुभएको छ । उहाँले तत्कालै शैषिक तीति तथा पाठ्यक्रम परिवर्तन गर्दै प्राविधिक शिक्षालाई विस्तार गर्नुपर्ने बताउनुभयो ।
गुल्मीको महेन्द्र आदर्श माध्यमिक विद्यालय वामीटक्सारको हिरक महोत्सव तथा श्रीमद्भागवत धनधान्याञ्चल सप्ताह ज्ञान महायज्ञको सोमवार गुल्मीको वामी टक्सारमा आयोजित कार्यक्रमलाई सम्बोधन गर्दै मन्त्री विष्टले शिक्षा नीति परिमार्जन गर्नुपर्ने आवश्यकता रहेको औँल्याउँदै उहाँले गलत शिक्षा नीतिका कारण थुप्रै युवाहरु बेरोजगार बन्नु दुर्भाग्यपूर्ण रहेको बताउनु भयो ।
रोजगार संयोजकका लागि मन्त्रालयले ७ सय ५३ जना अधिकृत सरहका कर्मचारी माग गरेकोमा ५ सय जना व्यक्ति मात्र उत्तीर्ण भएको जानकारी गराउनुभयो । मन्त्री बिष्टले सरकारले अबको तीन महिनाभित्रमा घोषणा पत्रमा उल्लेख गरिए अनुसार वृद्धभत्ता बढाउन लागेको समेत जानकारी दिनुयभो । सार्वजनिक पदमा बसेको मान्छेले आफ्नो र परिवारको स्वार्थ भन्दा देश र नागरिकको हितमा लाग्न जनप्रतिनिधिहरुलाई आग्रह समेत गर्नुभयो ।
‘सीपयुक्त जनशक्ति निर्माणको इच्छा, नगरभित्रै सर्वसुलभ प्राविधिक शिक्षा’ भन्ने नारा सहित इन्जिनियरिङसहितको प्राविधिक शिक्षा सञ्चालन गर्ने उद्देश्य सहित संचालन गरिएको महायज्ञमा हाल सम्म ३ करोड २६ लाख १९ हजार भन्दाबढी रकम दिने भनेर दाताहरुले बोलकबोल गरेका छन् ।
