काठमाडौं, १२ फागुन । नेपालले आईसीसी वुमन्स टी–२० विश्वकपको एसिया छनोटमा हङकङलाई ४ विकेटको अन्तरले सहज जित हासिल गरेका छ ।
थाईल्याण्डको बैंककस्थित एसियन ईन्सिटच्युट अफ टेक्नोलोजीको मैदानमा आइतबार भएको लिग चरणको आफ्नो चौंथो खेलमा नेपालले हङकङलाई ४ विकेटले पराजित गरेको हो ।
हङकङले दिएको ६२ रनको सामान्य लक्ष्य नेपालले १८।३ ओभरमा ६ विकेट गुमाएर भेट्टायो । नेपालका लागि अप्सरी वेगमले सर्वाधिक २४ र सरिता मगरले १६ रन जोडे ।
यसअघि टस जितेर पहिले ब्याटिङ गरेको हङकङले निर्धारित २० ओभरमा ६२ रन बनाएको थियो । उसलाई सस्तैमा समेट्ने क्रममा नेरीले घातक बलिङ गर्दै ६ विकेट लिइन् । ४ ओभर बलिङ गरेकी उनले मात्र ८ रन दिएकी थिइन् ।
