काठमाडौं, ६ फागुन । सत्तारुढ दल नेपाल कम्युनिष्ट पार्टी (नेकपा)का विद्यार्थी संगठन अनेरास्वविय र अनेरास्ववियु (क्रान्तिकारी)ले त्रिभुवन विश्वविद्यालयका उपकूलपतिको कार्यालय घेराउ गरेका छन्।
आज विद्यार्थी संगठनले तत्काल स्वविय चुनावको तालिका सार्वजनक गर्न माग गर्दै भिसि कार्यालय घेराउ गरेका हुन ।
चैत्र १४ गते भित्र निर्वाचन सम्पन्न हुने गरी स्ववियू निर्वाचनको कार्यतालिका सार्वजनिक नगरे त्रिवि पदाधिकारी विरुद्ध आन्दोलन गर्न समेत बताएका छन् ।
उपकुलपति तीर्थ खनियाँको कार्यालय नै घेराउ गरेपछि रजिस्टार डिल्लीराम उप्रेतीले विद्यार्थीहरुलाई सम्बोधन गर्दै छिट्टै निर्वाचन गर्ने प्रतिबद्धता जनाएको अखिलका नेता आरसी लामिछानेले बताए ।
घेराउका क्रममा विद्यार्थी नेताहरुले स्ववियु निर्वाचन टार्न लागि परेको भन्दै त्रिविका उपकूलपति खनियाँको राजीनामा माग गर्दै चर्का नाराबाजी पनि गरेका थिए ।
