काठमाडौं, ३ फागुन । देशैभरीका खानेपानी उपभोक्ता संस्था मध्ये सुर्खेत उपत्यका खानेपानी उपभोक्ता संस्था उत्कृष्ट बनेको छ ।
संस्थागत सुधार तथा स्तरोन्नती कार्यक्रमलाई प्रभावकारी रुपमा कार्यान्वयन गरी उल्लेखनीय सुधार गरेको भन्दैउक्त संस्थालाई उत्कृष्ट घोषणा गरिएको हो ।
बिहीबार काठमाडौंमा भएको नगरविकास कोषको ३१ औ वार्षिकोत्सवको अवसरमा सहरी विकासमन्त्री मोहमदइस्तियाक राईले संस्थाका अध्यक्ष कुलमणि देवकोटालाई उत्कृष्ट संस्थाको रुपमा कदरपत्र प्रदान गरेका छन् ।
अध्यक्ष देवकोटाले सुर्खेत उपत्यकावासी जनतालाई सर्वसुलभरुपमा खानेपानी सेवा प्रवाह गर्न अझै थुप्रै काम गर्न बाँकी रहेको बताएका छन ।
