काठमाडौं, १ फागुन । भारतमा जारी हिरो महिला गोल्डकप फुटबलको अन्तिम खेलमा नेपालले इरानलाई तीन–शून्यले हराउदै जित हासिल गरेको छ ।
खेलको ४१औँ मिनेटमा नेपालका लागि अनिता बस्नेतले नेपालका लागि पहिलो गोल गरेकी हुन् । त्यसपछि दोस्रो हाफमा खेलको ५९औँ मिनेटमा सावित्रा भण्डारीले नेपालका लागि दोस्रो गोल गरेकी छिन् ।
भारतविरुद्ध पनि दुई गोल गरेकी सावित्राले इरानसँग पनि खेलको ८९औँ मिनेटमा नेपालका लागि तेस्रो गोल गरिन् ।
नेपाली टिम
गोलकिपरः एन्जिला तुम्बाप्पो सुब्बा
डिफेन्डरः गिता राना, मनमाया लिम्बू, हिरा कुमारी भुजेल, पुनम जर्घा मगर
मिडफिल्डरः रेनुका नगरकोटी-कप्तान, मन्जली कुमारी योन्जन, दिपा राई, अनिता बस्नेत, सरु लिम्बु
स्ट्राइकरः सावित्रा भण्डारी
