काठमाडौं, २८ माघ । तेस्रो संस्करणको धनगडी प्रिमियर लिग (डीपीएल) क्रिकेट पहिलो खेलमा काठमाडौं गोल्डेन्स विजयी भएको छ ।
धनगढीको फाप्ला क्रिकेट मैदानमा आज बिहान ९ बजे भएको खेलमा काठमाडौं गोल्डेन्सले घरेलु टिम धनगढी स्टार्सलाई चार विकेटले पराजित गरेको हो ।
१३३ रनको मध्यम चुनौती पछ्याएको काठमाडौंले निर्धारित २० ओभर सकिन एक बल बाँकी छदा लक्ष्य भेट्टायो । काठमाडौंका लागि महबुब आलम र बिक्रम भुसालले २.५ ओभरमा २९ रनको साझेदारी गर्दै विजयी भएको छन ।
काठमाडौंका लागि अंकित दबासले २८, गौरब तोमरले २८ र अनिलकुमार शाहले २४ रन बनाए । धनगढीका रोहन मुस्ताफाले चार विकेट लिए पनि टीमलाई जित दिलाउन सकेनन् ।
आजै दोस्रो खेलमा रुपन्देही च्यालेञ्जर्स र महेन्द्रनगर युनाइटेडबीच १ बजेबाट सुरु भएको छ । सर्वाधिक पुरस्कार राशीको डीपपीएल विजेताले ३० लाख, उपविजेताले १२ लाख, तेस्रो हुनेले ४ लाख तथा चौथो हुने टोलीले २ लाख पाउने छन् ।
