एजेन्सी, २५ माघ । भारतमा विषाक्त मदिरा सेवनबाट २८ जनाको मृत्यु न्हाएको छ।
भारतको युपीको सहारनपुर जिल्लाको देवबन्द क्षेत्रमा विशाक्त मदिरा सेवनले ५ जनाको मृत्यु भएको छ । त्यस्तै, उत्तर प्रदेशको कुशीनगरमा पनि विषालु मदिराको सेवनबाट ९ जनाको मृत्यु भएको छ
त्यस्तै, उत्तराखण्डको रुडकीमा विषाक्त मदिरा सेवनकै कारण १२ जनाको मृत्यु भएको जनाएको छ । भारतको बिहार, उत्तर प्रदेश र उत्तरखाण्डमा विषाक्त मदिरा सेवनले अन्य केही व्यक्ति गम्भीर बिरामी परेका छन् । युपीको सहारनपुर जिल्लाको देवबन्द क्षेत्रममा १० जना गम्भीर बिरामी परेको छन् ।
गम्भीर बिरामी सबैलाई उपचारका लागि अस्पतालमा भर्ना गरिएको छ । उक्त घटनालाई लिएर उत्तराखण्ड सरकारले १३ सरकारी अधिकारी र चार प्रहरीलाई निलम्बन गरेको भारतीय सञ्चार माध्यमहरूले जनाएका छन्।
