काठमाडौँ, २१ माघ । तेस्रो तथा अन्तिम खेलमा यूएईलाई १४ रनले हराउँदै नेपालले ऐतिहासिक टी-२० सिरिज जितेर नेपाली राष्ट्रिय क्रिकेट टोली आज स्वेदश फर्किएको छ ।
त्रिभुवन अन्तराष्ट्रिय विमानस्थलमा यूवा तथा खेलकुदमन्त्री जगत बिश्वर्कमा र राष्ट्रिय खेलकुद परिषद् (राखेप) ले क्रिकेट खेलाडीहरुलाई स्वागत गरेका छन ।
विमानस्थलमा स्वागत गर्ने पुगेका राष्ट्रिय खेलकुद परिषद्का सदस्य सचिव केशव विष्टले क्रिकेट खेलाडीहरुलाई प्रत्येक खेलाडीलाई ५ लाख दिन मन्त्रालयमार्फत प्रस्ताव लैजाने समेत बताएका छन ।
आइतबार भएको तेस्रो तथा अन्तिम टी–२० खेल नेपालले यूएईलाई १४ रनले पराजित गरको थियो । यससँगै नेपालले टी–२० सिरिजमा २–१ को जित हात पारेको थियो ।
नेपालले सिरिजसँगै वान डेमा शतक प्रहार गरेका कप्तान पारस खड्काले म्यान अफ द सिरिज भए । टी–२० मा युवा बलर अभिनाश बोहोरा म्यान अफ द सिरिज चुनिए ।
