काठमाडौँ, १८ माघ । सत्तारुढ दल नेपाल कम्युनिष्ट पार्टी (नेकपा)का युवा तथा विद्यार्थी संगठनले डा. गोविन्द केसीको राजनीतिक स्वार्थको आन्दोलनमा नेपाल चिकित्सक संघ भएको भन्दै सर्वोच्च अदालतको फैसलालाई उल्लघंन गर्दै गैर कानुनी काम गर्ने जो सुकै मतियारलाई दण्डित गर्न नेपाल सरकारसँग माग गरेका छन् ।
नेकपाको युवा संघ नेपालका अध्यक्ष रमेश पौडेल, वाइसिएल नेपाल अध्यक्ष रामप्रसाद सापकोटा (दिपशिखा), अनेरास्ववियुको अध्यक्ष नविना लामा तथा अखिल (क्रान्तिकारी)का अध्यक्ष रञ्जित तामाङले संयुक्त रुपमा जारी गरेको विज्ञप्तीमा नियम, कानुन र विधिलाई उल्लंघन गर्न कसैले नपाउने बताउँदै कानुनभन्दा माथि कोही नभएकाले विधिको शासनलाई लत्याउने जो कोहीलाई तत्तकाल कारवाही गर्न माग गरेका छन् ।
