एजेन्सी, १८ माघ । उत्तर कोरियालाई अमेरिकी कुटनीतिज्ञले आणविक र क्षेप्यास्त्र कार्यक्रमका विवरण खुलाउन आग्रह गरेका छन् ।
उत्तर कोरियासँग वार्ताको वातावरण तयार गर्न खटिएका अमेरिकी विशेष प्रतिनिधि स्टेफन बाइगनले आणविक निःशस्त्रीकरण कार्यक्रमलाई निष्कर्षमा पुर्याउन आणविक कार्यक्रमको विस्तृत विवरण आवश्यक पर्ने बताएका छन ।
उनले स्टानफोर्ड विश्वविद्यालयमा आयोजित समारोहमा बोल्दै भने, ‘आणविक निःशस्त्रीकरणलाई अन्तिम रुप दिनुअघि हामीले उत्तर कोरियासँग रहेका आमविनाशकारी क्षेप्यास्त्र कार्यक्रमको पूर्ण जानकारी चाहेका छौं ।’
उत्तर कोरियाले अमेरिकी मागलाई बेवास्ता गरिरहेको छ । अमेरिकालाई सबै कुरा बताए आफूहरु असुरक्षित हुने उत्तर कोरियाको भनाइ छ ।
