ऐजेन्सी, १४ माघ । पेरूमा विवाह चलिरहेको ठाँउमा पहिरो जाँदा कम्तिमा १५ जनाको मृत्यु भएको छ भने ३४ जना घाइतेभएका छन् । एक वैवाहिक समारोहमा करिब १०० जना पाहुना सहभागी भएका थिए ।
होटेलको पर्खालबाट जोडसाथ विवाहस्थलमा एक्कासी छिरेको पहिरोले अवान्से शहरमा वैवाहिक कार्यक्रममा उक्त घटना भएको थियो । सरकार प्रमुख इभारिस्तो रामोसलाई उद्धृत गरी स्थानीय आरपीपी रेडियोले उक्त समाचार प्रसारण गरेको छ ।
घाइते सबैलाई उपचारका लागि स्थानीय अस्पतालहरूमा पठाइएको छ भने पहिरोमा परी हराएका केहीको खोजीकार्य जारी रहेको पेरू प्रहरीले जनाएको छ ।
