काठमाडौं, २७ पौष । बेलायतको लिभरपुल जोन मुर्स विश्वविद्यालयका प्राध्यापक डा.सुसन के फ्लावर्सको नेतृत्वमा सो विश्वविद्यालयमा शिक्षा विषयमा स्नातक गरिरहेका दुई विद्यार्थी एमि म्यागी र कोनि शा शान्तिनगरस्थित बेबिलोन नेशनल स्कूलमा आएका छन ।
सो विश्वविद्यालय लिभरपुलमा रहेको प्रशिद्ध सरकारी अनुदान प्राप्त विश्वविद्यालय हो । प्राध्यापक डा. सुसन सहितको सो टोली एक महिने शैक्षिक आदानप्रदान कार्यक्रमका लागि बेबिलोन स्कूलमा आएको हो ।
बेलायती शैक्षिक संस्था ‘ब्रिटिस काउन्सिल’ बाट दुईपटक अन्तर्राष्ट्रिय स्कुल एवार्ड (२०१५—२०१७, २०१७—२०२०) बाट पुरस्कृत बेबिलोन स्कुलमा सो विश्वविद्यालयबाट विगत ७ वर्षदेखि हरेक वर्ष प्राध्यापक तथा शिक्षा विषयका स्नातक तथा स्नातकोत्तरका विद्यार्थी आउने गरेका छन् ।
सो विश्वविद्यालय र बेबिलोन स्कुलबीचको भगीनि सम्वन्धका कारण शैक्षिक तथा सांस्कृतिक आदानप्रदानका लागि लिभरपुल विश्वविद्यालयको टोली विद्यालयमा आएको बेबिलोन स्कूलका प्रिन्सिपल राजु राईले भने ।
यसअघि बेबिलोन स्कुलका प्रिन्सिपल राई पनि सो विश्वविद्यालयको एक महिना लामो शैक्षिक आदानप्रदान भ्रमणमा सहभागी भई फर्केका थिए ।
एक महिने बसाईका क्रममा प्राध्यापक डा. सुसनले माथिल्लो कक्षा र स्नातकका विद्यार्थीले सानो कक्षाका केटाकेटीलाई बेलायती शिक्षण पद्धतिअनुसारका सिर्जनशिल कार्यहरु सिकाउने छन ।
सो विश्वविद्यालयले नेपालको बेबिलोन स्कूलको साथै थाइल्याण्डको एउटा विद्यालयमा हरेक वर्ष आफ्ना स्नातक विद्यार्थी पठाउने गरेको उल्लेख गर्दै बेलायती प्राध्यापक डा.सुसनले नेपालबाट धेरै कुरा सिक्न पाउने र ७ वर्षको अवधिमा आफुहरु सन्तुष्ट रहेको प्रतिक्रिया दिइन् ।
बेबिलोनमा आएको बेलायती टोलीलाई विद्यालयका प्रिन्सिपल राजु राईले विद्यालयको लोगा सहितको क्याप र भाइस प्रिन्सिपल रीता राईले खादा लगाएर विद्यालयमा स्वागत गरे ।
