काठमाडौँ, २६ पौष । मुक्तिनाथ विकास बैंकमा अब घरमै बसेर अनलाईन मार्फत खाता खोल्न सकिने भएको छ ।
उक्त बैंकले सर्वसाधारणहरुलाई सजिलो घरमै बसेर सेवा दिनको लागी अनलाईनबाट खाता खोल्न सकिने सुविधा ल्याएको जनाएको छ ।
बैंकमा सरल, सहज र सुरक्षित तरिकाबाट ग्राहकहरुले आफ्नो समयानुकुल बैंकको वेवसाईटबाट खाता खोल्न सक्नेछन् । उक्त प्रविधिको माध्यमबाट देशभित्र तथा बाहिर रहेका सबै नेपाली नागरीकहरुले बैंकमा खाता खोल्न बताइएको छ ।
हाल बैंकले १०२ वटा शाखा तथा २० वटा एटीएमबाट करिब छ लाख ग्राहकलाई बैकिङ्ग सेवाहरु प्रदान गर्दै आएको छ ।
