काठमाडौँ, १५ पौष । कर्मचारीहरुको आन्दोलनका कारण प्रस्तावित प्रधानन्यायाधीश चोलेन्द्र समशेर जबराको सुनुवाई प्रभावित भएको छ ।
संसदीय सुनुवाई विशेष समितिले आज यहाँ प्रस्तावित प्रधानन्यायाधीशलाई दिउँसो २ बजे बोलाइएको थियो । बैठकको सुरुमा जबराले १५ बुँदे आफ्नो कार्ययोजना पेश गरे । लगतै सांसदहरुले प्रश्नहरु राख्ने क्रम सुरु भयो ।
सांसदहरुले सुनुवाई प्रक्रिया जारी राख्न चाहेपनि सभापति कर्णले कर्मचारीहरुको आन्दोलनका कारण पर्सि ११ बजेलाई बैठक राखिएको छ । बैठकमा सांसदहरुले सोधेको प्रश्नको जवाफ जबराले पर्सि दिनुहुने भएको छ ।
