एजेन्सी, १३ पौष । साउदी अरबीयाका राजा सलमानले जमाल खशोग्गीको हत्यापछि विश्वव्यापी रुपमा साउदीको आलोचना भएपछि बिहिबार सरकारमा फेरबदल गरेका छन् ।
यी निर्णयहरु एक शाही घोषणाबाट गरिएको जनाएको छ । निवर्तमान विदेशीमन्त्री अडेल अल–जुबेरलाई विदेश मन्त्रालयको राज्यमन्त्रीमा घटुवा गरिएको छ । उनको स्थानमा अनुभवी पूर्व अर्थमन्त्री इब्राहिम अल–असाफलाई विदेशमन्त्री चुनिएको छ ।
राजा सलमानले राजकुमार अब्दुल्ला बीन बन्दरलाई नेशनल गार्डको नयाँ प्रमुख तोकेका छन् । निवर्तमान विदेश मन्त्री अल–जुबेरले कुनै समय खशोग्गीको हत्यालाई ‘गम्भिर गल्ती’ बताएका थिए । उनले खशोग्गीको ‘हत्या’मा संलग्नलाई सजाय दिइने पनि बताएका थिए ।
टर्किस अनुसन्धानकर्ताले साउदी राजकुमारको अभियोजक कार्यालयले अक्टोबर २ मा रियादबाट पठाइएको १५ जनाको साउदी एजेन्टहरुको समूहले खशोग्गीको हत्या गरेको र लासलाई अंगभंग गरिएको बताएको छ ।
