एजेन्सी, ८ पौष । इन्डोनेसियाको समुद्रीतटमा आएको सुनामीमा परी कम्तीमा ४३ जनाको ज्यान गएको छ भने ५८४ जना घाइते भएका छन् ।
इन्डोनेसियाको सुन्दा स्ट्रेटस्थित समुद्री तटमा आएको सुनामीमा परि भने केही मानिसहरु हराइरहेका छन् । हराइरहेका तथा घाइतेको संख्या धेरै भएकाले मृत्युको संख्या बढ्न सक्ने अनुमान त्यहाँको विपद् व्यवस्थापन एजेन्सीले गरेको छ ।
त्यस्तै सुनामीकै कारण सयौं घरहरु भत्किएका छन् । सुनामीले सबैभन्दा धेरै पांडेलाङ, दक्षिण लाम्पुङ र सेराङ क्षेत्रमा क्षति पुर्याएको सरकारी अधिकारीहरुले बताएका छन् । क्राकाटोआ नामक ज्वालामुखी विस्फोटपछि समुद्रमुनि गएको पहिरोले सुनामी आएको हुनसक्ने अनुमान छ ।
