काठमाडौँ, ६ पौष । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले नेपालको भौगोलिकता, इतिहास र संस्कृतिलाई चिन्न सकेमात्रै नेपाल विश्वसामु गर्व गर्न लायक हुने बताउनुभएको छ ।
शुक्रबार काठमाडौंमा आयोजित एक कार्यक्रममा बोल्दै अध्यक्ष प्रचण्डले मुलुकको भूगोल, इतिहास र संस्कृतिनै समृद्धिको आधार भएको बताउनभयो । उहाँले कुनै पनि समुदायले आफ्नो संस्कृतिको आधारमा पहिचान खोज्नु जायज भएको बताउँदै सवै नेपाली समाजका मानिसले आ आफ्नो धर्म तथा संस्कृतिक पहिचान नै नेपाल विश्वको नजरमा रहेको बताउनुभयो ।
उहाँले नेपालमा भएका विभिन्न प्रकारका प्राकृतिक, धार्मिक, सांस्कृतिक, पर्यटिकय लगायतका कुराहरुले देश विकास तथा आर्थिक क्षेत्रमा मूख्य टेवा पुर्याएको बताउनुभयो ।
अध्यक्ष प्रचण्डले मुलुकको पूर्वाधार र पर्यटन क्षेत्रको विकासका लागि पनि हाम्रा साँस्कृतिक सम्पदाहरुको पहिचानको खोजी गर्नु आवश्यक रहेको बताउनुभयो । उहाँले हाम्रा परापूर्व कालदेखिका ज्ञान, हावापानी र भूगोल विश्वलाई नेपाल चिनाउन र समृद्ध बनाउन उपयोगी हुने बताउनुभयो ।
