एजेन्सी, ६ पौष । बलिउड अभिनेता इरफान खानको फिल्म ‘हिन्दी मिडियम’को सिक्वेलमा शाहरुख खान र काजोल देवगन देखिने भएको छ ।
मिडिया रिपोर्ट्सका अनुसार, शाहरुख र काजोलले स्क्रिप्ट रिडिङ सुरु गरेका छन् । पछिल्लो पटक शाहरुख र काजोल ‘दिलवाले’ मा देखिएका थिए । यसलाई रोहित शेट्टीले निर्देशन गरेका थिए ।
फिल्म ‘हिन्दी मिडियम’ ले बक्सअफिसमा सानदार कमागरेको थियो । फिल्मलाई क्रिटिक्स र दर्शकले निकै मनपराएका थिए ।
केही समय अगाडि ‘हिन्दी मिडियम’ को सिक्वेलमा इरफान खानसँग सारा अली खान पनि हुने खबर बाहिरिएको थियो । विरामीका कारण उनी लण्डनमा न्यूरो इन्डोक्राइन ट्यूमर नामक विरामीको उपचार गराइरहेका छन् ।
