एजेन्सी, २६ मंसिर । क्वालकोम कम्पनी र एप्पलबीचको विवादका विषयमा फैसला गर्दै चिनियाँ अदालतले आइफोनका विभिन्न मोडेललाई चीनमा प्रतिबन्धित गरेको छ ।
विभिन्न मोडेलका आइफोनलाई चीनमा प्रतिबन्ध लगाउन चिनियाँ अदालतको आदेशविरुद्ध अमेरिकी कम्पनी एप्पलले अपिल गरेको छ ।
एप्पलको विज्ञप्ती अनुसार, ‘अवैध क्रियाकलापहरुका विषयमा विश्वभरका नियामक निकायहरुद्वारा छानविनमा रहेको क्वालकोमले हाम्रा प्रडक्टहरु प्रतिबन्ध लगाउनका लागि खेलेको भूमिका निन्दनीय छ ।’
क्वालकोम माइक्रो चिप निर्माता अमेरिकी कम्पनी हो । एप्पलले आइफोन सिक्स एस, आइफोन सिक्स एस प्लस, आइफोन सेभेन प्लस, आइफोन सेभेन, आइफोन एट, आइफोन एट प्लस र आइफोन एक्समा आफ्ना दुईवटा पेटेन्ट चोरी गरेको भन्दै क्वालकोमले एप्पलविरुद्ध मुद्दा हालेको थियो ।
क्वालकोमले यदि एप्पलले अदालतको आदेशको पालना नगरेमा ट्रिबुनल मार्फत कार्यान्वयन गराउने चेतावनी दिएको छ ।
