काठमाडौँ, २६ मङ्सिर । प्रदेश ३ का मुख्यमन्त्री डोरमणि पौडेलले आगामी पुस महिनाभित्र प्रदेशको नामाकरण हुने बताउनुभएको छ ।
बुधबार काठमाडौंमा आयोजित साक्षात्कार कार्यक्रममा बोल्दै उहाँले प्रदेशको राजधानी हेटौंडाबाट अन्यत्र नसर्ने दावी गर्नुभयो । मुख्यमन्त्री पौडेलले कार्यालय व्यवस्थापनसहित पूर्वाधार विकासको काम भईसकेकाले हेटौंडाबाट अन्तत्र राजधानी सार्न नमिल्ने तर्क गर्नुभएको छ ।
मुख्यमन्त्री पौडेलले साझा सूचिका कानुन छिटो निर्माण गरिदिन संघीय सरकारसँग माग गर्दै कानुन र कर्मचारी अभावका कारण जनताले अपेक्षा गरे अनुसारको काम प्रदेश सरकारले गर्न नसकेको बताउनुभयो ।
