काठमाडौँ, २४ मङ्सिर । नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठले भ्रष्टाचारीलाई कारवाही गर्न अख्तियार दुरुपयोग अनुसन्धान आयोग नै पर्खेर बस्नु नपर्ने बताउनुभएको छ ।
आज यहाँ कृषि तथा वन विज्ञान विश्वविद्यालयका आन्दोलनरत संयुक्त प्राध्यापक तथा विद्यार्थी संघहरूद्वारा आयोजित ‘कृषि र वन विज्ञान शिक्षामा निजीकरण’ विषयक अन्तरक्रियामा बोल्दै नेता श्रेष्ठले सबै मिलेर भ्रष्टाचारीलाई कारवाही गर्नुपर्ने धारणा राख्नुभएको हो ।
कार्यक्रममा बोल्दै उहाँले भन्नुभयो ‘विद्यार्थी, शिक्षक, प्राध्यापक, नेता सबैले भ्रष्टाचारको विरोधमा नयाँ बहस चलाउनु आवश्यक छ’ उनले भने, ‘विद्यार्थी नै विद्यार्थी जस्ता छैनन् । युवा पनि युवा जस्ता भएनन् । विद्यार्थी नेता नै पैसा लिएर सम्बन्धन दिलाउन लागेका छन् ।’
