काठमाडौँ, २० मङ्सिर । नेपाली कांग्रेसको जारी केन्द्रीय समिति बैठकमा उपसभापति तथा प्रतिवेदन निर्माण समितिका संयोजक विमलेन्द्र निधिद्वारा राजनीतिक प्रतिवेदन प्रस्तुत गरिएको छ ।
यसअघि हिजोको बैठकमा सह–महामन्त्री डा. प्रकाशशरण महतले आर्थिक प्रतिवेदन प्रस्तुत गर्नुभएको थियो । तीन वटै प्रतिवेदनसहित प्रस्तावित विधान मस्यौदामाथि सदस्यले धारणा राख्ने क्रम पनि जारी रहने नेताहरुले जनाएका छन् ।
केन्द्रीय समितिले पारित गरेपछि विधान मस्यौदासहितका प्रतिवेदन मंसिर २८ देखि काठमाडौंमा हुने महासमिति बैठकमा प्रस्तुत गरिने छ ।
