कालिकोट, १८ मङ्सिर । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका प्रवक्ता खड्गबहादुर विश्वकर्मा ‘प्रकाण्ड’ले कञ्चनपुरकी १३ वर्षिया बालिका निर्मला पन्तको बलत्कारी र हत्यारालाई केही दिनमा नै आफ्नो पार्टीले कारवाही गर्ने बताउनुभएको छ ।
उहाँले अपराधीलाई सरकारले नै संरक्षण गरेको भन्दै निर्मलाको घटना राज्यको पहुँच भन्दा बाहिरको नभएको दावि गर्नुभएको छ ।
सरकारले चार महिनासम्म एउटा अपराधिक घटनाको दोषीलाई कारबाही गर्न नसक्नु दुःखद् भएको बताउनुभयो । उहाँले भन्नुभयो, ‘निर्मला नेपाली एक छोरी हो। घटनाको वास्तविकता बाहिर नआउनु राज्यकै अपमान हो’ जुन कुरा सरकारले गर्न सकेन । अब हामी गरेर देखाउछौँ ।’
