काठमाडौँ, १३ मङ्सिर । राष्ट्रिय जनता पार्टी (राजपा) नेपालको पार्टीबाट अलग भएर स्वतन्त्र राजनीतिक समूह गठन गरेका ह्रदयश त्रिपाठीले काठमाडौंमा मंसिर २८ गते हुने आफ्नो समूहको भेला बोलाएका छन् ।
देशको वर्तमान अवस्था तथा चुनावी समिक्षा सहितको देशमा भएका घटनाक्रमको बारेमा छलफल हुने बताइएको छ । यो भेलामा सवै आफ्नो समुहका नभई सिमित व्यक्तिहरुको मात्र भेला हुने बताइएको छ ।
समूहका नेता ईश्वर दयाल मिश्रका अनुसार भेलामा समूह बाहिरबाट पनि सहभागी हुनेछन् । समसामयिक विषयमा छलफल हुने भएकाले यसमा बौद्धिक छलफल हुने भएकाले बाहिरका व्यक्तिलाई पनि बोलाउने तयारी भइरहेको छ ।
