नुवाकोट, १२ मङ्सिर । नेपाली काङ्ग्रेसका जिल्ला सभापतिको दुई दिने भेला आजबाट नुवाकोटको ककनीमा शुरु भएको छ ।
प्रस्तावित विधान मस्यौदामाथि छलफल गर्न काङ्ग्रेसका जिल्ला सभापति भेला भएका हुन् । महामन्त्री पूर्णबहादुर खड्काको संयोजकत्वमा रहेको विधान मस्यौदा समितिले केन्द्रीय समितिमा गत आइतबार बुझाएको विधान मस्यौदामाथि छलफल गर्न भेला आयोजना गरिएको नेपाली काङ्ग्रेस नुवाकोटले जनाएको छ ।
विधानमाथि छलफल गर्न विशुद्ध सभापतिको मात्र भेला भएको जसमा केन्द्रीय नेता कोही नआउने बताइएको छ । विधानमा उल्लेखित सङ्गठनात्मकलगायत विभिन्न विषयमा संशोधनको लागि ७७ वटै जिल्लाका सभापतिको साझा धारणा महासमितिमा लैजाने योजनासहित भेला सञ्चालन भएको बताइएको छ ।
