काठमाडौं, १२ मंसिर । भारतमा कक्षा १ र २ पढ्ने विद्यार्थीलाई गृहकार्य दिन रोक लगाइएको छ ।
भारतको मानव संसाधन मन्त्रालयले सोमबार जारी गरेको निर्देशिकामा कक्षा १ र २ का विद्यार्थीलाई गृहकार्य दिन रोक लगाइएको हो ।
यसका साथै कक्षा १ देखि २ सम्म भाषा, गणित विषयबाट सम्बन्धित केबल २ मात्र किताव अनिवार्य गरिएको छ । भारतमा पहिलो पटक कक्षा १० सम्मका विद्यार्थीका लागि निर्देशिका जारी गरिएको हो ।
विद्यार्थीले स्कुल जाँदा बोक्ने झोलाको तौल कक्षा १ र २ का विद्यार्थीहरुले बढीमा डेढ केजी तथा कक्षा ३ देखि ५ सम्मका विद्यार्थीहरुले २ देखि ३ केजीमा सम्म बोक्न पाउने छन् । कक्षा ६ र ७ का विद्यार्थीले ४ केजी, ८ र ९ का विद्यार्थीले साढे ४ केजी सम्मको तौल भएको झोला बोक्न सक्नेछन् ।
