काठमाडौं, ६ मंसिर । शहीद स्मारक ए डिभिजन लिग फुटबलमा च्यासल युथ क्लबले न्युरोड टिम ९एनआरटी० क्लबलाई ५–१ गोल अन्तरले हराएको छ ।
ललितपुरको एन्फा कम्प्लेक्सको खेल मैदानमा सम्पन्न खेलमा च्यासलको जितमा बिमल घर्तीमगर र अमिर श्रेष्ठले समान २–२ गोल र सन्तोष साहुखलले १ गोल गरे । एनआरटीका मोसोद अग्बोलाले गोल फर्काएका थिए ।
खेलको ५७ औं मिनेटमा विमल घर्तीमगरले हेडमार्फत गोल गरे भने ६३ औं मिनेटमा विमलको पासमा सन्तोष साहुखलले सुन्दर गोल गर्दै च्यासललाई ४–० को अवस्थामा पुर्याए । त्यस्तै, खेलको ८६ औं मिनेटमा विमलले दोस्रो व्यक्तिगत गोल गर्दै च्यासललाई ५–० गोलको अग्रता दिलाएका थिए ।
आजनै हुने दोस्रो खेल लिग लिडर थ्रीस्टार क्लब र मनाङ मस्र्याङ्दी क्लबबीच ललितपुरको एन्फा कम्प्लेक्सको खेलमैदानमा प्रतिस्पर्धा हुदैछ ।
