काठमाडौं, ४ मंसिर । आबुधाबीमा सम्पन्न पहिलो टेष्ट क्रिकेटमा पाकिस्तानविरुद्ध न्युजिल्यान्डले ४ रनको जित हासिल गरेको छ ।
सोमबार भएको शेख जायद स्टेडियममा न्युजिल्यान्डले दिएको १७६ रनको सामान्य लक्ष्य पछ्याउने क्रममा पाकिस्तानले ५८.४ ओभरमा अलआउट हुँदै १७१ रन मात्र बनायो ।
पाकिस्तानका लागि अजहर अलीले ६५ रन, असाद साफीकले ४५ रन बनाए । न्युजिल्यान्डका अजाज युनुस पटेलले ५ विकेट, इश सोधी र नील वाग्नेरले समान दुई दुई विकेट लिए ।
यसअघि पहिलो इनिङसमा पाकिस्तानले अलआउट हुँदै २२७ रन जोडेको थियो । न्युजिल्यान्डले पहिलो इनिङसमा १५३ रन जोडेको थियो ।
