एजेंसी २, नयाँदिल्ली । भारतको पूर्वी क्षेत्रमा आएको आँधीका कारण ३३ जनाको मृत्यु भएको छ ।
‘साइक्लोन गाजा’ नाम दिइएको सो आँधी तिघण्टा १२० किलोमिटरको गतिमा तमिलनाडु राज्यमा शुक्रबार आएको समाचारमा जनाइएको छ ।
मृत्यु हुनेहरुमा २० जना पुरुष, ११ जना महिला र दुई जना बालबालिकाको रहेको अधिकारीहरुले बताएका छन् । आँधीले हजारौँ रुखहरु भाँचिएका छन् भने ठूलो संख्यामा घरहरु भत्किएका छन् । घरबारविहिन भएका हजारौ स्थानीय बासिन्दालाई शिविरहरुमा राखिएको छ ।
प्रदेशका मुख्यमन्त्री इडाप्पाडी पालानी स्वामीले पीडित प्रत्येक परिवारलाई १४ हजार डलरका दरले क्षतिपूर्ति दिने घोषणा गरेका छन।
