(कात्तिक २०, काठमाडौँ) । इंग्लिस प्रिमियर लिग फुटबलमा हडर्सफिल्ड टाउनले फुलहमलाई १–० ले हराउँदै पहिलो जित निकालेको छ ।
सोमबार राति आफ्नै घरेलु मैदानमा भएको खेलमा हडर्सफिल्डले फुलहमलाई पराजित गरेको हो । फुलहामका तिमोथी फोसु मेन्साहले खेलको २९ औं मिनेटमा आत्मघाती गोल गरेपछि हडर्सफिल्डको भाग्य चम्किएको हो ।
जितसँगै ११ खेलबाट १ खेलमा जित र ३ खेलमा बराबरी खेलेको हडर्सफिल्डको ६ अंक भएको छ भने फुलहामको भने ५ अंक रहेको छ ।
लिगको शीर्ष स्थानमा म्यानचेस्टर सिटी रहेको छ । सिटीको ११ खेलबाट २९ अंक रहेको छ । त्यस्तै, दोस्रो स्थानमा चेल्सी र तेस्रो स्थानमा लिभरपुल रहेका छन् । चेल्सी र लिभरपुलको समान २७–२७ अंक भएपनि गोलअन्तरको आधारमा चेल्सी अघि रहेको छ ।
