(कार्तिक १६, काठमाडौँ) । फ्राईडे रिलिज अन्तर्गत आजबाट दुई फिल्म चङ्गा चेट’ र ‘मालिका’ प्रदर्शनमा आएका छन् ।
सानो गल्तीले जीवनमा पार्ने प्रभावको कथा ‘चङ्गा चेट’ले वाचन गरेको छ भने ‘मालिका’ले महिला सशक्तिकरणको मुद्धा उठाएको छ ।
‘चङ्गा चेट’
निर्देशक दीपेन्द्र के। खनालले ‘चङ्गा चेट’ निर्देशन गरेका हुन् । फिल्ममा प्रियंका कार्की, आयुष्मान देशराज जोशी, रबिन्द्र झा, सन्दिप क्षेत्री, सुरक्षा पन्त, परमिता आरएल राणालगायतका कलाकारहरुको अभिनय रहेको छ ।
‘मालिका’
अभिनेत्री रेखा थापाले निर्देशन गरेकी मलिकामा नन-एक्टर कमला वली प्रमुख भूमिका रहेको छ । रेखा स्वयमको अभिनय भएपनि यसपटक उनले फिल्मको मूलकथा बोक्ने जिम्मेवारी अर्थात् नायकत्व वलीलाई सुम्पिएकी छन् ।
