(कार्तिक १४, काठमाडौं) । पेजथ्री हट कल्चरले सौन्दर्य प्रतियोगिता फेस अफ मारवाडी किडस २०१९ गर्ने भएको छ ।
सो प्रतियोगितामा मारवाडी समुदायका बाल बालिकाको व्यक्तित्व विकास गरि मारवाडी कला संस्कृतिलाई जगेर्ना गर्ने उद्देश्यले ‘फेस अफ मारवाडी किडस’ गर्न लागेको आयोजकले बताएको छ ।
आगामी शनिवार यही कार्तिक १७ देखि सुरु हुन लागेको अडिसनमा नर्सरी, एलकेजी र युकेजीका ६ वर्षसम्मका बच्चाहरुको एउटा गु्रप, ६ वर्षदेखि माथिका कक्षा १, २ र ३का बच्चाहरुको एउटा ग्रुप, कक्षा ४, ५ अनि ६का बच्चाहरुको एउटा ग्रुप र ७, ८ र ९ कक्षाको एउटा गरी चार गु्रप बनाएर प्रतियोगिता गर्न लागिएको मोदीले बताइन । यो चार ग्रुपमा २०–२० जना सहभागी हुनेछन् ।
त्यस्तै प्रतियोगिताको दोस्रो अडिसन कार्तिक २४ शनिवारमा मर्दस प्राइड स्कुल मण्टेश्वरीमा हुँदैछ । डिसेम्बर महिना लागेपछि ट्रेनिङ सुरु हुने यो प्रतियोगिताको ट्रेनिङ नक्सालमा रहेको गिगल्समा हुँने छ ।
सोनिया केडिया काउन्सिलर, पुनम बर्मा कोरियोग्राफ, युबलुम टिमको ब्यवस्थापन रहेको यो प्रतियोगिताको अन्तिम प्रतिस्प्रर्धा १२ जनवारी अर्थात पौष २८मा काठमाडौंमा हुँदैछ । प्रतियोगितामा शिर्ष सहित बिभिन्न आधा दर्जन बिधामा बिजेता छानिने आयोजकले जनाएको छ ।
